•  Resumo Executivo da Word Heart Federatión (segundo Informe Mundial da WHF) sobre o corazón afirma: 

• • “Todos estamos expostos a contaminación do aire ao longo das nosas vidas, sin importar en que parte do mundo  vivamos”.

 

• • “A contaminación do aire ambiental e dos fogares contribúe a máis mortes que todas as guerras, a malaria, a tuberculose, o VIH e outras enfermidades infecciosas xuntas”. 

 

• • “Case o 70% dos 4,2 millóns de mortes en 2019 atribuídas a contaminación do aire ambiental foron causadas por afeccións cardiovasculares, en particular a cardiopatía isquémica (1,9 millóns de mortes) e a accidentes cerebrovasculares (900.000 mortes) “. Aparte máis de 3 millóns de mortes atribuíse a contaminación do aire dos fogares (1 millón de mortes por cardiopatía isquémica e 700.000 por  accidentes cerebrovasculares).

 

• • As partículas finas, PM2,5 están consideradas como principal contaminante para  a saúde humana, a nivel mundial. A pesar da conciencia dos danos da contaminación do aire, os niveis de concentración de material particulado PM2,5  só diminuíu o 1% anual entre 2010 e 2019. Os niveis globais mantivéronse alarmantemente altos en PM 2,5  con 31,7 ug/m3 no 2019 moi por riba do nivel de referencia de calidade do aire recomendado na actualidade pola OMS de 5 ug/m3 (valor que se supera amplamente  na gran maioría das cidades e territorios do Estado Español). 

 

• • A maior diminución das PM2,5 rexistrouse en Europa cun cambio anual medio do 2,1%. Pola contra os niveis de partículas finas aumentou na maioría dos países de Africa o 0,3%  (Angola 12,2%, Cabo Verde 10,3%, Liberia 8,9%, Serra Leona 8,5%...) e só 14 % dos países experimentaron grandes diminucións entre 2010-2019.

 

• • As enfermidades  cardiovasculares vinculadas coa contaminación do aire son: Enfermidade das arterias coronarias e cerebrovascular, insuficiencia cardíaca, accidente cerebrovascular, arritmia e paro cardíaco, tromboembolia venosa e enfermidade arterial periférica como hipertensión pulmonar, miocardiopatía dilatada, cardiopatía conxénita, hipertensión pulmonar...

 

• • -A contaminación ambiental afecta de forma moi diversa: disfunción endotelial,  xeración de estrés oxidativo, activación plaquetaria,  inflamación de células endoteliais, estreitamento de arterias en exposición prolongada , inestabilidade da placa  en ateroesclerose... 

 

• Informe Mundial da WHF ofrece entre outras as seguintes recomendacións:

 

1. Todos os países deben adoptar as novas directrices mundiais da OMS sobre calidade do aire.

 

2. A WHF apoia a implementación dun tratado global de non proliferación de combustibles fósiles.

 

3. Os países deben garantir un maior financiamento para  a investigación multidisciplinaria para mellorar a calidade do aire e desenvolver estratexias para implementar intervencións para reducir a contaminación do aire. 

 

Sen dúbida as recomendacións debían aceptalas sen dubidar os Estados, pero grandes intereses económicos frean as decisións e non todo o proposto  parece ir tan rápido e chegar tan “ lonxe” .

 

Vexamos un exemplo : No ano 2021 a OMS propuxo para partículas finas PM2,5 na atmosfera, valores anuais de 5 ug/m3 e valores diarios de 15 ug/m3. A Comisión Europea en outubro do 2022, propuxo unha revisión das actuais, laxas e permisivas  normas de calidade do aire da UE, que ten para partículas finas un valor limite anual de 25 ug/m3 en fase I e 20 ug/m3 en fase 2 . A revisión con obxectivo no 2030  pretendía un valor límite anual  de 10 ug/m3 e valor diario de  25 ug/m3 (ambas lonxe do proposto pola OMS). 

 

• Parlamento Europeo en abril deste ano 2024 adoptou unha Resolución Lexislativa con vistas a adopción da Directiva (UE) 2024/...e un acordo político provisional  cos países da UE sobre novas medidas para mellorar a calidade do aire, propuxo un valor anual de 10 ug/m3  e foi aprobado  por 381 votos a favor, 225 en contra e 17 abstencións, pero os Estados membros porán solicitar aprazamentos  na data límite de 2030 e pospoñer ate  dez anos tales valores ate 2040. 0 acordo debe ser aprobado definitivamente  e publicado no  Diario Oficial da Unión Europea

 

En Europa, segundo a European Environment Agency no 2020 (AEMA, La calidad del aire en Europa 2022, publicado 27/03/2023)  o 96% da poboación urbana  da UE  estivo exposta a concentracións de partículas finas superiores ao nivel orientador da OMS de 5 ug/m3  de aire. A contaminación atmosférica tamén prexudica a biodiversidade e dana os cultivos agrícolas e bosques, causando importantes perdas económicas.

 

Segundo estimacións da AEMA ao menos 253.000 persoas faleceron prematuramente no 2021 debido a exposición a contaminación por partículas, mentres que a exposición a dióxido de nitróxeno causou 52.000 mortes prematuras e a exposición ao ozono 22.000. A UE espera reducir o 55% as mortes prematuras da contaminación de aquí ao 2030. Cita a combustión de combustibles  para  calefaccións, industrias, transporte e agricultura como principais responsables.

 

 Pero na actualidade carecen de unanimidade nas decisións da UE a respecto de temas tan importantes como a contaminación  ambiental, saúde humana e alteración climática. Mentres sucédense as consecuencias.